02 сәуір 2024 | 17:42

Алматыда офицер педофилия бабы бойынша бес жылға дейін сотталуы мүмкін

Фото ©️ Tengrinews.kz / Тұрар Қазанғапов

Шекара қызметінің бұрынғы әскери қызметкеріне педофилия бойынша соталды тергеу амалдары жүргізіліп жатыр. Бұл ақпаратты Ішкі істер министрлігі растады, - деп хабарлайды Tengrinews.kz тілшісі.

Шекара қызметінің бұрынғы әскери қызметкеріне педофилия бойынша соталды тергеу амалдары жүргізіліп жатыр. Бұл ақпаратты Ішкі істер министрлігі растады, - деп хабарлайды Tengrinews.kz тілшісі.

Әскери қызметкерге қатысты тергеуді Ішкі істер министрлігінің Оңтүстік өңірлік әскери тергеу басқармасы жүргізіп жатыр.

"2024 жылғы 29 наурызда әскери қызметшінің әрекеті Қылмыстық кодекстің 122-бабы 1-бөлігі "Он алты жасқа толмаған адаммен жыныстық қатынас немесе сексуалдық сипаттағы өзге де әрекеттер жасау" бойынша квалификацияланды. 30 наурызда күдіктіге қатысты соттың санкциясы бойынша қамауға алу бұлтартпау шарасы қолданылды", - деп хабарлады Tengrinews.kz ресми сауалына ІІМ.

Айта кетейік, Қылмыстық кодекстің 122-бабы 1-бөлігінде белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып, 5 жылға дейінгі мерзімге бас бостандығынан айыру немесе бас бостандығын шектеу түріндегі жаза көзделген.

Бұған дейін Ұлттық қауіпсіздік комитеті редакция сауалына жауап бере отырып, аталған әскери қызметкердің жұмыстан босатылғанын хабарлаған болатын.