+7 (777) 001 44 99
Қазақша
Русский
English
20 қаңтар 2022 | 08:44
Алматыда ұйымдасқан қылмыстық топ жекеменшік үйлерге қарулы шабуыл жасаған
Алматы полициясы жекеменшік үйлерге қарулы шабуыл жасаған қылмыстық топты ұстады, - деп хабарлайды Tengrinews.kz тілшісі Polisia.kz сайтына сілтеме жасап.
ПОДЕЛИТЬСЯ
Алматы полициясы жекеменшік үйлерге қарулы шабуыл жасаған қылмыстық топты ұстады, - деп хабарлайды Tengrinews.kz тілшісі Polisia.kz сайтына сілтеме жасап.
Портал мәліметінше, топ құрамында Алматы облысының 29 жас пен 36 жас аралығындағы төрт тұрғыны бар. Олардың екеуі - бұрын тонау және бөтеннің мүлкін ұрлағаны үшін сотталған.
"6 қаңтарға қараған түні жаппай тәртіпсіздіктер кезінде олар жеке күзет ұйымдары қызметкерлеріне бірнеше рет шабуыл жасап, олардың қызметтік қаруларын тартып алған. Кейін бірнеше жекеменшік үйге қарақшылық шабуыл жасап, оларды автоматпен және басқа да атыс қаруымен қорқытып, жеке мүлк пен екі автокөлікті иемденген. Күдіктілер қамауға алынды. Олар уақытша ұстау изоляторына қамалды. Бұл қылмыстарды ашуға қаланың Криминалдық полиция басқармасының қызметкерлері көмектесті", - дейді Медеу аудандық ПБ бастығы Дәурен Өтебаев.
Сайт мәліметі бойынша, заттай айғақтар, оның ішінде күзетшілерден тартып алынған қарулар тәркіленіп, ҚР ҚК-нің 192-бабы және ҚР ҚК-нің 291-бабы бойынша тергеліп жатқан қылмыстық іс материалдарына тіркелген. Ұсталғандардың басқа да қылмыстарға қатысы бар-жоғы тексеріліп жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
