+7 (777) 001 44 99
Қазақша
Русский
English
23 ақпан 2022 | 17:24
Алматыдағы арнайы операция: қару-жарақ дүкендерін тонағандар ұсталды
Алматыда қару-жарақ дүкендерін тонауға қатысушыларды ұстау бойынша екі арнайы операция жүргізілді. Бұл туралы қалалық полиция басқармасы бастығының тергеу жөніндегі орынбасары Рустам Әбдірахманов Facebook-те мәлімдеді, - деп хабарлайды Tengrinews.kz тілшісі.
ПОДЕЛИТЬСЯ
Алматыда қару-жарақ дүкендерін тонауға қатысушыларды ұстау бойынша екі арнайы операция жүргізілді. Бұл туралы қалалық полиция басқармасы бастығының тергеу жөніндегі орынбасары Рустам Әбдірахманов Facebook-те мәлімдеді, - деп хабарлайды Tengrinews.kz тілшісі.
Әбдірахманов арнайы операция нәтижесінде үш күдікті ұсталғанын, олардың екеуі - 25, біреуі 27 жаста екенін айтты.
"Ұрланған қарудың бір бөлігі "Достық" шағынауданындағы үйлердің бірінде, ал екіншісі Алматы облысы, Қарасай ауданы аумағындағы Жамбыл елді мекеніндегі үйлердің бірінен табылды. 5 қаңтарға қараған түні олар "Камерад" аңшылық дүкенін тонап кеткен. Қаскөйлер ұрланған заттарды үйдің жертөлесіне тығып, үстіне құм басып кеткен. Әртүрлі маркадағы 4 тегіс ұңғылы мылтық, автомат, 720 патрон, 5 аңшылық пышақ, арбалет, оптикалық көздеуіш және оқ-дәрі тәркіленді және қылмыстық іс материалдарына тіркелді. Күдіктілер кінәсін мойындап, дүкенге қалай кіргендерін айтып берді", - деді ол.
Қылмыстық іс ҚР ҚК-нің 291-бабы 3-бөлігі - қаруды, оқ-дәрілерді, жарылғыш заттарды ұрлау бойынша тергеліп жатыр. Бұл баптың санкциясында бес жылдан он екі жылға дейінгі мерзімге бас бостандығынан айыру көзделген.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
