Ақтауда арнайы операция кезінде ұсталғандардан 22 келі марихуана тәркіленді

Ақтауда арнайы операция кезінде ұсталғандардан 22 келі марихуана тәркіленді, - деп хабарлайды "Лада" басылымы.

Басылымның мәліметінше, Маңғыстау облыстық ІІД есірткі бизнесімен күрес басқармасы қызметіндегілер төрт ер адамды ұстады. Олардың екеуі - Жамбыл облысының тұрғындары. Ұсталған ер адамдар отырған "Лада" көлігінде 6 келіден аса марихуана болған. Олар тұрған пәтерлердің бірін тінту барысында тағы 16 келі марихуана тәркіленген.

Құқық қорғау органдарының қызметкерлерінің айтуынша, олар марихуананы Қырғызстаннан жеткізіп, кейін Ақтауға әкелген.

"Тәркіленген марихуаналардың түрі - "Индюха".  Онда көп мөлшердегі тетрагидроканнабинол бар. Ұсталған азаматтарға қатысты сот бұлтартпау шарасын қолданды. Олар қамауға алынды. Осы іс бойынша сотқа дейінгі тергеу жұмыстары жүргізіліп жатыр", - деді Маңғыстау облыстық ІІД есірткі бизнесімен күрес басқармасындағылар.