Ақтөбеде кикілжің кезінде танысын атып өлтірген ер адам ұсталды

Ақтөбеде қала тұрғынын атып тастаған ер адам ұсталды, - деп хабарлайды Tengrinews.kz тілшісі. 

Ақтөбе облысы ІІД өкілдерінің мәліметі бойынша, 32 жастағы күдікті танысын жанжал кезінде өлтірген. 

"Күдікті мен 29 жастағы мерт болған адам арасында жанжал туған. Жанжал кезінде күдікті қару қолданған. Бірнеше оқ жарақатын алған ер адам ауруханада көз жұмды. Күдікті бірден ұсталды, қазір ол уақтыша ұстау абақтысына қамалды. "Адам өлтіру" бабы бойынша сотқа дейінгі тергеу басталды", - деп хабарлады полицейлер. 

Еске салайық, жұма күні Ақтөбедегі ықшамаудандардың бірінде оқ жарақатын алған ер адам табылған болатын. Дәрігерлер барынша тырысқанымен ер адамның өмірін сақтап қала алмады. Оған бес оқ тиген.