Аса ірі мөлшерде алаяқтық жасағаны үшін іздеуде жүрген күдікті ұсталды

Аса ірі мөлшерде алаяқтық жасағаны үшін іздеуде жүрген қылмыскер ұсталды, - деп хабарлайды Tengrinews.kz тілшісі Бас прокуратура мәліметіне сілтеме жасап.

2024 жылғы 18 қыркүйекте Ақмола облысы прокуратурасының үйлестіруімен Целиноград ауданы полиция бөлімінің қызметкерлері алаяқтықтың 47 эпизодын жасап, іздеуде жүрген А-ны ұстады.

"2024 жылғы қаңтардан бастап күдікті Астана мен Ақмол ауылында тұрғындарын алдау және сенімін теріс пайдалану жолымен олардың 90 миллион теңге көлеміндегі ақшалай қаражатын иемденген. Қазіргі уақытта аталған тұлға тергеу изоляторына қамалды", - делінген хабарламада.

Күдіктіге мүлкі тәркіленіп, он жылға дейінгі мерзімге бас бостандығынан айыру жазасы қарастырылған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!