Астанада әйелдерге шабуыл жасаған ұры ұсталды

Астана ІІД криминалдық полиция қызметкерлері қарақшылық шабуыл жасаған және бірнеше рет ұрлық жасаған 24 жастағы ер адам ұсталды, - деп хабарлайды Tengrinews.kz тілшісі Ішкі істер  департаментінің баспасөз қызметіне сілтеме жасап. 

Құқық қорғау мәліметінше, қаскөй таңғы уақытта қылмысқа барып отырған, ол жұмысқа асығып бара жатқан әйелдедің сөмкелері мен әмияндарына қол сұққан. 

"Күдікті Астана ІІД уақытша қамау изоляторына жабылды. Сотқа дейінгі тергеу шаралары барысында ер адамның басқа да қатысы бар жоғы тексеріліп жатыр", - деді полиция өкілдері. 

Суретте көрсетілген азаматтың әрекеттерінен зардап шеккен адамдарды Бейбітшілік көшесі 19 үйге немесе мына телефондар бойынша хабарласуды сұрайды: 71-61-51; 8-702-999-64-24 немесе 102.