+7 (777) 001 44 99
Қазақша
Русский
English
25 наурыз 2023 | 10:07
Астанада көлік жуу мекемесінің қызметкері екі көлікті ұрлап кеткен
Астанада көлік жуу орнының қызметкері клиенттердің көлігін айдап кеткен, - деп хабарлайды Tengrinews.kz тілшісі Polisia.kz басылымына сілтеме жасап.
ПОДЕЛИТЬСЯ
Астанада көлік жуу орнының қызметкері клиенттердің көлігін айдап кеткен, - деп хабарлайды Tengrinews.kz тілшісі Polisia.kz басылымына сілтеме жасап.
Елордалық полиция қызметкерлері Ақмола облысының ПД әріптестерімен бірлесіп, Астана аумағындағы сериялық айдап кету фактілеріне қатысы бар Ақмола облысы Степняк ауылының 25 жастағы тұрғынын ұстады.
Майлин көшесіндегі автожуу әкімшілігі полицияға екі көлікті заңсыз иемдену туралы арызбен жүгінген. Хабарланғандай, ұйымның жаңа қызметкері түнге қалдырылған Hyundai Accent және Chevrolet Cobalt маркалы екі автокөлікті айдап кеткен.
Тергеу барысында көлік жуу орталығының қызметкері түнгі уақытта бірінші Chevrolet Cobalt көлігінің рөліне отырып, қызмен қала жолдарын аралағаны анықталды. Шарль де Голль көшесінде көлік тоқтап қалғаннан кейін, жас жігіт жұмыс орнына қайта келіп, Hyundai Accent көлігін айдап кеткен. Бұл жолы ол қала сыртындағы үйге қарай жол тартқан.
Бейнебақылау камераларын зерделеу барысында жедел уәкілдер қаскүнемнің жүру жолын белгілеп, оны ұстау бойынша бағдар берген. Сондай-ақ Ақмола облысындағы әріптестеріне де бағдар берген.
Қазіргі уақытта барлық дерекке қатысты ҚР ҚК-нің 200-бабы (Автомобильдi немесе өзге де көлiк құралын жымқыру мақсатынсыз құқыққа сыйымсыз иеленіп алу) бойынша соталды тергеу амалдары жүргізіліп жатыр. Жас жігіт қамауға алынып, бұрын жасалған осыған ұқсас қылмыстарға қатысы бар-жоғы тексеріліп жатыр.
Астана қаласының полиция департаменті азаматтарға автокөліктен шыққан кезде қырағы болуды ескертеді, барлық есіктер мен терезелердің сенімді жабылғанын тексеру қажет. Ұрлықты болдырмау және көлігіңіздің қауіпсіздігін қамтамасыз ету үшін полицейлер көлік кілттерін бейтаныс адамдарға бермеуге кеңес береді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
