Астанада Оңтүстік Қазақстан облысының тұрғыны сәбиді ұрлап әкетті

Астанада баланы ұрлап кеткен Оңтүстік Қазақстан облысының тұрғыны ұсталды, - деп хабарлайды Tengrinews.kz тілшісі көліктегі ішкі істер департаментінің баспасөз қызметіне сілтеме жасап.

"Көліктегі ішкі істер департаментінің ұйымдасқан қылмысқа қарсы күрес басқармасының қызметкерлері өзге құқық қорғау органдарының мамандарымен бірлесіп жүргізген жедел-іздестіру шарасы барысында Оңтүстік Қазақстан облысының 36 жастағы тұрғынын ұстады. Ол 2015 жылы қаңтарда Астанада Өзбекстан азаматшасын қорқытып, жаңа туылған сәбиін алып қашып кеткен, ол баланы сатпақшы болған", - дейді баспасөз қызметіндегілер.

Мәлімет бойынша, баланың қайда екені анықталды. Ұсталған азаматқа қатысты сотқа дейінгі тергеу "Адам ұрлау" бабы бойынша басталды. Күдіктіге "қамауға алу" бұлтартпау шарасы қолданылды. Тергеу жүріп жатыр.