Астанада танымал әнші алаяқтық жасады деген күдікке ілікті

Астана полициясы аса ірі көлемде алаяқтық ісі бойынша тергеу шараларын жүрігзіп жатыр, - деп хабарлайды Tengrinews.kz тілшісі Елорда Инфо басылымына сілтеме жасап.

Астана полиция департаментінің тергеу басқарамасының мамандары ҚР Қылмыстық кодекісінің 190-бабы (Аса ірі көлемде алаяқтық") бойынша тергеу шараларын жүргізіп жатыр. Тергеу барысында 2018 жылы шілде айының басында азамат У. ("Ақжайнақ" халық әнін орындаумен танылған) жалғыз басты ана, мүгедек жандар, аз қамтылған отбасыларға көмектесу мақсатында "Ақжайнақ" қаржы ұйымын ашқан", - делінген хабарламада. 

Полиция мәліметінше, ұйымға кіру үшін адамдар 20 мың теңге беріп, 5-10 күн ішінде тағы екі адамды тартып, артынша 40 мың теңге алып отырған. 

"Тергеу барысында 2018 жылы 18 шілдеге дейін кірген адамдар салған ақшасын еселеп қайтарған, одан кейінгілер ақшасыз қалған, - деді полиция өкілдері.