Астаналық әйел жалдамалы пәтерде секс-притон ұйымдастырған

Астаналық әйел жалдамалы пәтерде секс-притон ұйымдастырған, - деп хабарлайды Tengrinews.kz тілшісі.

ІІМ телеграм-арнасының мәліметінше, Сарыарқа ауданы әкімдігі мен прокуратураның үйлестіруімен полиция қызметкерлері қала тұрғындарының бірнеше рет шағымдары бойынша рейдтер жүргізген.

"Рейд өткізу барысында Сарыарқа ауданының жедел қызметкерлері, жалдамалы пәтерде притон ұйымдастырған 45 жастағы әйелді анықтады. 16 мың теңге көлеміндегі ақшалай сыйақы үшін клиенттерді әйелдермен табыстырған", - делінген хабарламада.

Дерекке қатысты жезөкшелікпен айналысу үшін притонды ұйымдастырғаны және ұстағаны үшін қылмыстық іс қозғалды. Соттың санкциясымен әйелге қатысты "үй қамағына алу" бұлтартпау шарасы қолданған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!