Атырау облысы әкімінің бірінші орынбасары ұсталды - БАҚ

"Ақ Жайық" газеті Атырау облысы әкімінің бірінші орынбасары мен құрылыс басқармасы бастығының ұсталғаны туралы мәлімдеді, - деп хабарлайды Tengrinews.kz тілшісі.

Басылымның мәліметінше, бүгін, 10 қыркүйекте 182 миллион теңге пара алды деген күдікпен Атырау облысы әкімінің бірінші орынбасары Нұрлан Таубаев пен облыстық құрылыс басқармасының бастығы Тимур Басаров ұсталды.

"Оларды Астанадан Атырауға арнайы келген ҚР Сыбайлас жемқорлыққа қарсы іс-қимыл агенттігінің бір топ қызметкері ұстады. Істің жай-жапсары әлі ашылған жоқ", - деп жазды басылым.

Қазақстан жаңалықтары. Соңғы жаңалықтар. Telegram желісінде бізге жазыл!