09 желтоқсан 2020 | 18:18

Атырауда гитарасын пойызға ұрып сындырған жігіт жазаланды

Атырауда гитарасын пойызға ұрып сындырған 17 жастағы тұрғын әкімшілік жауапқа тартылды, - деп хабарлайды Tengrinews.kz тілшісі.

Атырауда гитарасын пойызға ұрып сындырған 17 жастағы тұрғын әкімшілік жауапқа тартылды, - деп хабарлайды Tengrinews.kz тілшісі.

Әлеуметтік желіде видео тараған. Онда жасөспірім "Ақтөбе-Атырау" жолаушылар пойызының жанында тұрып, айғайлағанын көруге болады. Кейін қолындағы гитарамен пойызды ұрады.

Көліктегі полиция департаментінің мәліметінше, оқиға 8 желтоқсанда түнгі сағат 00.30-да Атырау облысы Сағыз станциясында болған.

"Ақтөбе-Атырау" бағытындағы пойызы тоқтап тұрған кезде 17 жастағы жігіт қоғамдық орында тәртіп бұзып, айналасындағы адамдарға сыйламаушылық бiлдiрген. Құқықбұзушының айтуынша, ол досын Атырау қаласындағы қорғаныс істері жөніндегі басқармаға шығарып салуға келген", - делінген хабарламада.

Бұл факт негізінде ҚР Әкімшілік құқық бұзушылық кодексінің 434-бабы 1-бөлігі "Ұсақ бұзақылық" бойынша әкімшілік хаттама толтырылды.