Белгісіз біреулер ақсайлық бизнесменді өлтіріп кеткен

Батыс Қазақстан облысындағы Ақсай қаласында жергілікті бизнесмен өлтірілді, - деп хабарлайды "Мой ГОРОД".

Денсаулық сақтау басқармасының баспасөз хатшысы Айнагүл Сақбосынованың айтуынша, қаскөйлер ер адамды 7 маусымда бесінші ықшамаудандағы № 10 үйде пышақтап кеткен.

"Оқиға орнына жедел жәрдем шақыртылды, алайда ер адам олар келгенше қайтыс болды. Мәйіт құқық қорғау органдарына берілді", - деді Айнагүл Сақбосынова. 

Жергілікті тұрғындардың айтуынша, марқұмның қалада бірнеше валюта айырбастау орны болған. Басылымның мләіметінше, Ақсайда 2015 жылдың қазанында валюта айырбасымен айналысатын тағы бір ер адамның өлтірілген. Бұл істің әлі күнге беті ашылмаған.