+7 (777) 001 44 99
Қазақша
Русский
English
16 шілде 2021 | 16:14
"Бір қарағанда бірдей". Қазақстанда 1 миллион теңге мөлшерінде жалған ақша анықталды
2021 жылдың алғашқы алты айында Ұлттық банк пен екінші деңгейлі банктер 336 жалған банкнотаны (333 банкнот және үш монета) анықтады. Жалған ақшаның жалпы сомасы бір миллион теңге мөлшерінде, - деп хабарлайды Tengrinews.kz тілшісі реттеушіге сілтеме жасап.
ПОДЕЛИТЬСЯ
2021 жылдың алғашқы алты айында Ұлттық банк пен екінші деңгейлі банктер 336 жалған банкнотаны (333 банкнот және үш монета) анықтады. Жалған ақшаның жалпы сомасы бір миллион теңге мөлшерінде, - деп хабарлайды Tengrinews.kz тілшісі реттеушіге сілтеме жасап.
Көбінесе номиналы 2 000 және 5 000 теңгелік купюралар қолдан жасалынады. Ол жалпы көрсеткіштің 65 пайызы және 19 пайызы. Қалған 16 пайыз банкноттар мен басқа номиналдағы монеталарға тиесілі. Жалған ақшаның басым бөлігі Алматы (228 купюра) мен Нұр-Сұлтанда (43 купюра) анықталады.
Ұлттық банк Қолма-қол ақша айналымы департаментінің Банкноттар мен монеталарды сараптау басқармасының бастығы Асқат Мұқамадиевтің айтуынша, контрафакт негізінен визуалды қорғаныс элементтеріне ұқсас жасалады. Бір қарағанда, олар бірдей болуы мүмкін. Бірақ банкнотты мұқият қарасаңыз, жалған екенін анықтай аласыз. Түпнұсқа банкноттар айқын бейнелерімен ерекшеленеді, самұрық түріндегі белгі, номинал, сондай-ақ жарыққа анық көрінетін қорғаныш жолағы бар.
Шынайы ақшаны жалғанынан қалай ажыратуға болатыны туралы ақпаратты Ұлттық банк сайтынан біле аласыз.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
