Бурабайда әйел өзімен бірге тұратын ер адамды пышақтап өлтірді

Ақмола облысында әйел адам өзімен бірге тұратын ер адамды пышақтап өлтірген, - деп хабарлайды Тengrinews.kz тілшісі облыстық ІІД баспасөз қызметін сілтеме жасап.

Баспасөз қызметінің мәліметінше, 7 шілдеде Ақмола облысы Бурабай ауданындағы үйлердің бірінен ұрыс шығып, нәтижесінде 55 жастағы ер адам қаза тапты. Оған өзімен бірге тұратын 48 жастағы әйелдің пышақ салғаны анықталды. Ол қылмысының ізін жабу үшін өртеп жібермек болған.

"Күдіктіге қатысты ҚР Қылмыстық Кодекстің 99-бабы 1-бөлімі "Кісі өлтіру" бойынша қылмыстық іс қозғалды. Әйел қамауға алынды", - деп жазылған баспасөз хабарламасында. Сотқа дейінгі тергеу амалдары жүріп жатыр.