ІІМ әскери-дәрігерлік комиссиясының басшысы парамен ұсталды

Қазақстан Ішкі істер министрлігінің әскери-дәрігерлік комиссиясының басшысына пара алғаны үшін 12 миллион теңге айыппұл салынды, - деп хабарлайды Tengrinews.kz тілшісі Астана қаласындағы Алматы аудандық №2 сотының баспасөз қызметіне сілтеме жасап.

"Азамат И. ҚР ІІД-нің Орталық әскери-медициналық комиссиясының басшысы бола отырып, материалдарды жеделдетіп қарастыру мақсатында азаматша Т.-дан 200 мың теңге сомасында пара алған", - делінген хабарламада.

Астана қаласы Алматы ауданының №2 аудандық сотының үкімімен И.-ға, ҚР Қылмыстық кодексінің 366-бабы 2-бөлігі бойынша параның алпыс еселенгенге дейінгі мөлшерінде 12 000 000 теңге  айыппұл түріндегі жаза тағайындады.  

Үкім заңды күшіне енді.