+7 (777) 001 44 99
Қазақша
Русский
English
18 ақпан 2022 | 10:18
Жамбыл облысында үйінде 60 келіге жуық есірткі сақтаған ер адам ұсталды
Жамбыл облысының тұрғыны өз үйінде 60 келіге жуық есірткі сақтаған, - деп хабарлайды Tengrinews.kz тілшісі Polisia.kz сайтына сілтеме жасап.
ПОДЕЛИТЬСЯ
Жамбыл облысының тұрғыны өз үйінде 60 келіге жуық есірткі сақтаған, - деп хабарлайды Tengrinews.kz тілшісі Polisia.kz сайтына сілтеме жасап.
16 ақпанда Жамбыл облысы Полиция департаментінің Есірткі қылмысына қарсы іс-қимыл басқармасының қызметкерлері жедел-іздестіру іс-шараларын жүргізу барысында Шу ауданының 48 жастағы тұрғынын ұстады.
Күдіктінің үйінің аумағына тінту жүргізу кезінде ауладағы сейфтен ішінде өзіне тән өткір иісті ұсақталған өсімдік тәріздес заты бар қап пен үш полиэтилен пакет алынды. Сондай-ақ, орылған шөптің арасынан каннабисті ұсақтайтын елек табылды.
"Сот-химиялық сараптама нәтижелеріне сәйкес, тәркіленген есірткі заттары - салмағы 16 келі 190 грамм "гашиш" және 39 келі 870 грамды құрайтын "марихуана" болды. Ұсталған азамат өз кінәсін толық мойындады. Қазіргі уақытта Қылмыстық кодекстің 296-бабы 4-бөлігімен сотқа дейінгі тергеу амалдары жүргізілуде. Оған қатысты есірткі заттарын аса ірі мөлшерде сақтағаны үшін үш жылдан жеті жылға дейінгі мерзімге бас бостандығынан айыру жазасы көзделген", - деп хабарлады Жамбыл облысы ПД бастығының орынбасары Нұржан Рахметуллаев.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
