Жамбылдағы тәртіпсіздіктер: полицейлердің көлігін өртеп жіберген күдікті ұсталды

Жамбылдық полиция қызметкерлері полицияның қызметтік көліктерін өртеген күдіктіні ұстады, - деп хабарлайды Tengrinews.kz тілшісі Жамбыл облысының баспасөз қызметіне сілтеме жасап.

5 қаңтарға қараған түні Таразда Қазыбек би және Әйтиев көшелерінің қиылысында, сондай-ақ, Жамбыл облысы әкімдігі ғимараты маңында 11 полиция қызметкерінің автокөлігі бүлінген, оның жетеуі өртенген.

"Полиция күдіктілердің бірі - Жуалы ауданының бұрын сотталған 23 жастағы тұрғынын ұстады. Ол автокөліктерді бүлдіруге қатысып, бірнешеуін өзі өртеп жіберді. Сондай-ақ, ағаш таяқпен "Атшабар" ТК-дегі банк терезін сындырды", - деді полиция қызметкері.

Күдікті уақытша ұстау изоляторына қамалды. Тергеу амалдары жүргізіліп жатыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!