+7 (777) 001 44 99
Қазақша
Русский
English
05 ақпан 2021 | 09:10
Желіде Маңғыстау Денсаулық сақтау басқармасы басшысының ұсталғаны туралы ақпарат тарады
Әлеуметтік желіде Маңғыстау облысы Денсаулық сақтау басқармасының басшысы Жамал Жаманбаеваның ұсталғаны туралы ақпарат тарады, - деп хабарлайды Tengrinews.kz тілшісі "Астана" телеарнасына сілтеме жасап.
ПОДЕЛИТЬСЯ
Әлеуметтік желіде Маңғыстау облысы Денсаулық сақтау басқармасының басшысы Жамал Жаманбаеваның ұсталғаны туралы ақпарат тарады, - деп хабарлайды Tengrinews.kz тілшісі "Астана" телеарнасына сілтеме жасап.
Ол сыбайлас жемқорлық қылмыс жасады деген күдікке ілінді. Шенеунік қызмет бабын пайдаланып, рентген аппараттарын жоғары бағамен сатып алуға өтініш жасады деген ақпарат тарап жатыр. Осылайша Денсаулық сақтау басқармасының басшысы мемлекетке 63 миллион теңге залал келтірген.
"Лада" және инАктау басылымдарының мәліметінше, Жаманбаеваның ұсталғаны туралы ақпаратты YEDILOV ONLINE Telegram-каналы таратқан.
Маңғыстау облысы Денсаулық сақтау басқармасы мен облыс әкімдігінің баспасөз қызметі тарап жатқан ақпаратқа қатысты пікір білдіруден бас тартты. Сыбайлас жемқорлыққа қарсы қызмет шенеуніктің ұсталғаны туралы хабарды растамайды не жоққа шығармайды. Жамал Жаманбаеваның ұялы телефоны сөніп тұр.
Жамал Жаманбаева Маңғыстау облысының Денсаулық сақтау басқармасының басшысы қызметіне 2020 жылдың мамырында тағайындалды. Бұған дейін ол облыстағы перинаталдық орталықты басқарды.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
Показать комментарии
Читайте также
