Жетісу облысында 2 ірі есірткі зертханасы әшкере болды

Жетісу облысында 2 ірі есірткі зертханалары жойылды, - деп хабарлайды Tengrinews.kz тілшісі Бас прокуратура мәліметіне іслтеме жасап.

Жетісу облысы прокуратурасының үйлестіруімен Ұлттық қауіпсіздік және полиция департаменттерімен синтетикалық есірткі өндіретін екі жасырын зертханалардың жолы кесілді.

"Заңсыз айналымнан 10 келіден астам "мефедрон", шамамен 5 келі сұйықтық (кристалдану процесінде), 200 литр прекурсорлар, электронды таразылар, синтетикалық есірткі өндіру нұсқаулары бар дәптер, сұйықтық құйылған канистрлер, сондай-ақ "синтетик" өндіруге арналған құрылғылар тәркіленді", - делінген хабарламада.

Соттың санкциясы бойынша, 5 адам қамауға алынды, оның 2 - шетел азаматтары.

Қылмыстық кодекстің 297-бабы бойынша сотқа дейінгі тергеу амалдары жүргізіліп жатыр. ҚПК-нің 201-бабына сәйкес басқа мәлімет жария етілмейді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!