"Қара бүркіт" түрмесінде 19 қызметкер коронавирус жұқтырды

Қостанай облысы Жітіқара қаласында "Қара бүркіт" түрмесінде 19 қызметкерден коронавирус анықталды, - деп хабарлайды Tengrinews.kz тілшісі.

11 ер адам мен 8 әйел адамнан СOVID-19 анықталғаны белгілі болды. Олардың барлығы УК-161/3 мекемесінің 21-54 жас аралығындағы қызметкерлері. Олардың осыған дейін науқастармен байланыста болғаны анықталды.

Қазіргі уақытта науқастар Жітіқара қалалық ауруханасына жеткізілді, ем алып жатыр.

Айта кетейік, "Қара бүркіт" түрмесі  Жітірақадан оңтүстік-шығысқа қарай 25 шақырым жерде орналасқан. Онда Владислав Челах, алматылық атқыш Руслан Күлекбаев жазасын өтеп жатыр.

Қазақстан жаңалықтары. Соңғы жаңалықтар. Telegram желісінде бізге жазыл!