Қарағанды облысында зейнетақы жымқыруға қатысты тергеу басталды

Қарттар үйі тұрғындарының зейнетақы төлемдері мен жәрдемақыларын ұрлау дерегі бойынша қылмыстық іс тергеліп жатыр, - деп хабарлайды Tengrinews.kz тілшісі Қаржы мониторингі агенттігінің баспасөз қызметіне сілтеме жасап.

Әлеуметтік нысанда қамқорлыққа алынған 90 адам бар, оның 30-ы - мүгедек, 60-ы - зейнеткер.

"ҚР Қылмыстық кодексінің 190-бабы 3-бөлігінің 3-тармағында көзделген осы қылмысты жасады деген күдік бойынша Қарағанды облысындағы қарттар үйінің басшысы және әлеуметтік қызметкер ұсталып, уақытша ұстау изоляторына қамалды.

Қарағанды облыстық соты басшыға қатысты екі ай мерзімге күзетпен ұстау түріндегі бұлтартпау шарасын санкциялады", - делінген хабарламада.

Сілтемесіз жаңалық оқисыз ба? Онда Telegram желісінде парақшамызға тіркеліңіз!