Қарағандыда сатушы қызды ұрып-жыққан сатып алушының үстінен іс қозғалды

Қарағанды ​​полицейлері дүкенде 18 жастағы кассир қызды бір соққымен еденге құлатқан 48 жастағы әйелге қатысты қылмыстық іс қозғады, - деп хабарлайды Tengrinews.kz тілшісі Polisia.kz.

""Ануар" сауда үйінде сатып алушы мен кассирдің арасында болған жанжал бойынша ҚР ҚК-нің 293-бабына (Бұзақылық) сәйкес қылмыстық іс тіркелді. Жәбірленушіге қатысты сот-медициналық сараптама тағайындалды, тергеу амалдары барысында екі жақтың да дәйектері тексерілетін болады", - деді полицияда.

Бұл бап бойынша әйелге 2000 АЕК-ке дейін, яғни 6 миллион теңгеден аса айыппұл салынады немесе 600 сағатқа дейін түзеу жұмыстарына тартылады немесе бас бостандығынан айырылады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!