Қарағандылық әйелдің 4500 долларын жымқырған алаяқ ұсталды

Қарағанды облысының тұрғынын алдап, 4500 долларын иемденген алаяқ ұсталды, – деп хабарлайды Polisia.kz.

23 маусымда Теміртау қаласының 61 жастағы тұрғыны Қарағанды ​​қаласының Оңтүстік-шығыс полиция бөліміне жүгінген. Әйел адам, өткен жылдың шілдесінде оған заңгерлік көмек көрсететінін айтып, алдау жолымен 4500 АҚШ долларын иемденіп кеткен қаскөй туралы хабарланған.

Келтірілген залал шығыны - екі миллион теңге. Жедел-іздестіру іс-шараларын жүргізу барысында полиция бөлімінің жедел-тергеу тобының қызметкерлері 26 жастағы ер адамды ұстады. Оның бұрын алаяқтық жасағаны және жалған құжаттарды жасағаны үшін сотталғаны белгілі болды. ҚР Қылмыстық Кодексінің 190-бабы 1-бөлігі бойынша қылмыстық іс қозғалды. Тергеу әрекеттері жүргізіліп жатыр.

Қазақстан жаңалықтары. Соңғы жаңалықтар. Telegram желісінде бізге жазыл!