Қарағандылық қыз десантшы ескерткішіне аяғын қойып, ерсі қылық көрсетіп суретке түскен

Қарағанды тұрғыны әлеуметтік желісіндегі парақшасында қайтыс болған десантшы ескерткішіне аяғын қойып, ерсі қимыл көрсетіп тұрған суретін жариялады, - деп хабарлайды Tengrinews.kz тілшісі Instagram-дағы patriotkaragandy парақшасына сілтеме жасап. 

Қаза тапқан десант-жауынгерлерге арналған ескерткіш Оңтүстік Қарағанды облысының ауылында орнатылған. 22 жастағы қыз Қарағандыдан ауылға туысына қонаққа келген.

Полиция қыздың бұл суретіне назар аударды. "Аталған дерек бойынша полиция қызметкерлері Қарағандының 22 жастағы тұрғынын анықтады. Қазіргі уақытта оған қатысты "Ұсақ бұзақылық" бабы бойынша әкімшілік материал қаралып жатыр, - деп хабарлады облыстық ПД баспасөз қызметі.

Іс материалдары сотқа жіберілді.

Қазақстан жаңалықтары. Соңғы жаңалықтар. Telegram желісінде бізге жазыл!