Кісі өлтірген ер адам 18 жылдан соң Астанада ұсталды

©freesmi.by

Астанада ұзақ уақыт бойы іздеуде жүрген қылмыскер ұсталды, - деп хабарлайды Тengrinews.kz тілшісі қалалық ІІД баспасөз қызметіне сілтеме жасап.

"Осы жылдың 11 наурызы күні "Іздеу" шарасын жүргізу барысында ҚР ІІМ және Астана ІІД криминалдық полиция басқармасының қызметкерлері 1997 жылы кісі өлтіргені үшін ұзақ уақыт бойы іздеуде жүрген қылмыскер - 45 жастағы К.Мұсабаевты ұстады", - деп хабарлады полиция. Кісі өлтіру қылмысы Қарағанды облысы аумағында жасалған.

Ұсталған адам қазіргі уақытта тергеу изоляторына қамалды.