Көкшетауда "Қазпошта" бөлімшесіне жасалған қарулы шабуылдың видеосы пайда болды

Көкшетауда қаруланған екі ер адам "Қазпошта" бөлімшелерінің біріне шабуыл жасады. Желіде видеобақылау камерасындағы жазба пайда болды, - деп хабарлайды Tengrinews.kz тілшісі.

"Бұл оқиға 3 қазанда түске дейінгі уақытта болған. Белгісіз екі ер адамның бетперде киіп алып, кассирді қорқытқаны белгілі болды. Олар шамамен бір миллион теңге көлемінде (одан сәл аз болуы мүмкін) ақша алып кеткен", - деп хабарлады Ақмола облыстық ІІД баспасөз қызметіндегілер.

"ҚР Қылмыстық кодексінің 192-бабының 2-бөлігі бойынша ("Қарақшылық") сотқа дейінгі тергеу басталды. Кешенді жедел-іздестіру шаралары жүргізіліп жатыр. Жедел топ құрылып, куәгерлерден жауап алынып, камерадағы жазбалар зерттеліп жатыр", - деп хабарлады баспасөз қызметіндегілер.

Тергеу мүддесіне сәйкес басқа мәліметтер жарияланбайды.