Қостанай облысында белгісіз біреулер отбасының 10 миллион теңгесін ұрлап кеткен

Қостанай облысы Рудный қаласында белгісіз біреулер қонаққа кеткен отбасының үйінен 10 миллион теңге ұрлаған, - деп хабарлайды Kstnews.kz сайты.

8 наурызда кезекші бөлімге Рудный қаласында 10 миллион теңге көлемінде қаражат ұрланғаны туралы хабар түскен. 7 наурызда отбасы Қарабалық ауданына қонақтап кеткен. Үйіне оралған соң отбасы заттардың бөлмеде шашылып жатқанын көрген. 

Шкаф пен сейфтен 4,5 мың АҚШ доллары, 6 миллион теңге, 500 мың рубль көлемінде ақша ұрланған. 

Жедел іздестіру шараларын өткзіген полицейлер Рудный қаласында тұратын үш ер адамды ұстаған. Ал қаражат гараждардың бірінен табылған. 

Қазіргі уақытта ҚР Қылмыстық кодексінің "Аса iрi мөлшерде жасалған ұрлық" бабы бойынша сотқа дейінгі тергеу жүріп жатыр. 

Қазақстан жаңалықтары. Соңғы жаңалықтар. Telegram желісінде бізге жазыл!