+7 (777) 001 44 99
Қазақша
Русский
English
14 ақпан 2022 | 12:25
Қостанайда дүкен қызметкері тонаушыларды ұстады
Қостанайда көтерме-бөлшек сауда дүкенінің қызметкері пышақпен қаруланған тонаушыларды ұстады, - деп хабарлайды Tengrinews.kz тілшісі.
ПОДЕЛИТЬСЯ
Қостанайда көтерме-бөлшек сауда дүкенінің қызметкері пышақпен қаруланған тонаушыларды ұстады, - деп хабарлайды Tengrinews.kz тілшісі.
Қостанай тұрғыны Данияр Мұқашев қаруланған тонаушыларды ұстап тұрған. Ер адам көтерме және бөлшек сауда компаниясында жұмыс істейді. Таңертеңгі сағат 11-де жастар дүкенге кіріп, алкоголь сатуды талап еткен. Оларға алкоголь өнімдерін сатуға 12:00-ге дейін тыйым салынғаны түсіндірілген. Бірақ олар арақ-шарап бөліміне барып, бір бөтелке арақ алып, кассаға келген.
"Жастардың бірі кассирмен жанжалдасқанын естідім. Жақындағанда, біреуінің қолында пышақ барын көрдім. Полиция келгенше, оларды еденге жатқызып, ұстап тұрдым", - деді Данияр Мұқашев.
Екеуін бірдей ұстау оңай болмаған, бірақ Даниярдың қолынан келген. Ер адам бұл әр адамның азаматтық борышы деп санайды әрі ол қылмыс жасалып жатқан кезде еш әрекетсіз отырғысы келмеген.
Оқиға орнына келген жедел-тергеу тобы күдіктілерді полицияға жеткізді.
"Бұрын ұрлық жасағаны үшін сотталған Қостанайдың 42 жастағы тұрғыны мен облыс орталығының 27 жастағы тұрғынына қатысты 191-баптың 2-бөлігі "Тонау" бойынша соталды тергеу басталды. Ешқайда кетпеу туралы қолхат алынды", - деді Қостанай облысы Полиция департаментінің баспасөз қызметі өкілі.
Полиция қызметкерлері Данияр Мұқашевты құқықбұзушыларды ұстауға көмектескені үшін жоғарылатуды ұсынды. Қазір полицияға жыл басынан бері 10-нан аса әкімшілік құқық бұзушылықтың жолын кескен 295 қоғамдық көмекші көмектесіп жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
