Қостанайлық тұрғын үйінде есірткі өсірген

Қостанай қаласы Есірткі бизнесіне қарсы күрес қызметкерлері үйінде қарасора өсірген 33 жастағы ер адамды ұстады, - деп хабарлайды Tengrinews.kz тілшісі.

Қостанайлық үйінде қарасора өсірген. Ол оны гүл құмыраларына салып шамның астына қойған.  

"Сонымен қатар, жедел уәкілдер ер адамнан салмағы 55 грамнан асатын марихуана тәркілеген. 2019 жылы күдікті есірткі қылмысымен айналысқан. Осыған дейін еш жерде жұмыс істемеген, ата-анасымен бірге тұрып, марихуана қолданған", - деп хабарлады полиция департаментінің баспасөз қызметі. 

Қостанай облысында жыл басынан бері есірткіге қатысты 63 қылмыс пен құқық бұзушылық анықталды. Тәркіленген есірткінің жалпы салмағы 4 келіден асады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!