Қырғызстанға Қазақстаннан бензинді газ деп алып өтпек болғандар ұсталды

Түркістан облысында Қырғызстанға газ конденсаты деп бензин алып өтпек болғандар анықталды, - деп хабарлайды Tengrinews.kz тілшісі қаржы мониторингі агенттігінің баспасөз қызметіне сілтеме жасап. 

"Манкент" теміржол бекетінде Қазақстаннан Қырғызстанға 960 тонна АИ-92 маркалы бензинді заңсыз тасымалдау дерегі анықталды.

"Тергеу барысында бензинді "газ конденсаты" деген атаумен рәсімдеп, теміржол цистерналарымен шығаруды жоспарлағаны анықталды. Бензиннің жалпы сомасы 229 миллион теңге болады", - делінген хабарламада.

Ведомство тергеу жалғасып жатқанын, өзге ақпарат жарияланбайтынын мәлімдеді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!