Қытайда ер адам балабақшаға шабуыл жасады. 18 адам жарақат алды

Қытайда ер адам Гуанси-Чжуан автономиялық ауданындағы балабақшаға шабуыл жасады, - деп хабарлайды Tengrinews.kz тілшісі РИА Новости порталына сілтеме жасап. 

Оқиға жергілікті уақыт бойынша шамамен сағат 14.00-де Бэйлю қаласында болды. Алдын ала мәліметтер бойынша, 16 бала мен екі тәрбиеші жарақат алған, екі баланың жағдайы ауыр.

Полиция күдіктіні ұстады. Шабуылға не себеп болғаны және ер адамның немен қаруланғаны хабарланбады. 

Еске салайық, бұған дейін Атырау облысында анасы төрт айлық сәбиін пышақтап өлтірген болатын. 

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!