Қызылордада Toyota Camry көлігін ұрлаған ер адам ұсталды

Қызылордалық полицейлер көлік ұрысын ұстады, - деп хабарлайды Tengrinews.kz тілшісі.

17 ақпанда 31 жастағы қала тұрғыны полицияға Toyota Camry автокөлігінің ұрланғаны туралы арызданған.

Жедел іздестіру жұмыстарының нәтижесінде бұрын сотты болған 26 жастағы қала тұрғыны ұсталған.

"ҚР Қылмыстық кодексінің 200-бабы 1-бөлігі бойынша сотқа дейінгі тергеп-тексеру әрекеттері жүргізіліп жатыр. Күдіктіге қатысты ешқайда кетпеу және тиісті мінез-құлық туралы бұлтартпау шарасы таңдалды", - делінген хабарламада.

Сілтемесіз жаңалық оқисыз ба? Онда Telegram желісінде парақшамызға тіркеліңіз!