+7 (777) 001 44 99
Қазақша
Русский
English
11 қазан 2024 | 12:50
ІІМ операциясы: қазақстандықтар жарты тонна қарасорамен ұсталды
ІІМ есірткі қылмыстарына қарсы іс-қимыл қызметкерлері "Қарасора" операциясы барысында Жамбыл облысы Шу ауданының құмды аймағында қарасора жинаумен айналысқан екі ер адамды ұстады, - деп хабарлайды Tengrinews.kz тілшісі Polisia.kz сайтына сілтеме жасап.
ПОДЕЛИТЬСЯ
ІІМ есірткі қылмыстарына қарсы іс-қимыл қызметкерлері "Қарасора" операциясы барысында Жамбыл облысы Шу ауданының құмды аймағында қарасора жинаумен айналысқан екі ер адамды ұстады, - деп хабарлайды Tengrinews.kz тілшісі Polisia.kz сайтына сілтеме жасап.
"Күдіктілерден 500 келіге жуық кептірілген каннабис бұталары мен 9 келі кептірілген марихуана тәркіленді. Ұсталғандар уақытша ұстау изоляторына қамалды", – деді ІІМ есірткі қылмысына қарсы іс-қимыл комитеті төрағасының орынбасары Қуандық Әлжанов.
"Қарасора" операциясының төрт айында ішкі істер органдары 1315 есірткі қылмысын анықтады. Заңсыз айналымнан 17 тоннадан астам есірткі тәркіленген.
Қызылорда, Алматы, Түркістан, Жетісу және Ұлытау облыстарында Ұлттық ұланның тікұшақтарымен барлау жүргізілді. Онда 25 есірткі егісі анықталды. Жалпы салмағы 2,5 тонна болатын 15 мыңнан астам қарасора бұталары жойылды. 11 күдікті ұсталып, қамауға алынды.
"Полиция азаматтарды күдікті әрекеттер туралы хабарлауға шақырады", – деді Қуандық Әлжанов.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
