Маңғыстауда адамдарға оқ атқан ер адам ұсталды: Төрт жігіт жарақат алды

Маңғыстау облысының полиция қызметкерлері төрт адамға оқ атып, оқиға орнына қашып кеткен ер адамды ұстады, - деп хабарлайды Tengrinews.kz тілшісі ведомствоның баспасөз қызметіне сілтеме жасап.

​"Маңғыстау облысының полиция қызметкерлері 7 қыркүйекте төрт адамға оқ атып жаралап, оқиға орнынан қашып кеткен ер адамды ұстады", - деп хабарлады ведомство өкілдері.

Бұл дерек Маңғыстау облысының Қарақия аудандық ішкі істер бөлімінде Сотқа дейінгі тергеп-тексерудің бірыңғай тізіліміне ҚР ҚК-нің 293-бабы 3-бөлігінің 2-тармағы бойынша тіркеліп, одан әрі қылмыстық іс ҚР ҚК-нің 24-бабы 3-бөлігі 99-бабы 2-бөлігі 1,6,9-тармақтарына ауыстырылды (2 немесе одан көп адамдарға қатысты адам өлтіруге оқталу бұзақылық әрекеттері).

Қазіргі уақытта қылмыстық іс бойынша тергеуді Маңғыстау облысы ІІД Тергеу басқармасы қолға алды. Барлық қажетті тергеу әрекеттері жүргізіліп жатыр.

Lada.kz мәліметінше, 6 қыркүйекте сағат 02.00-де Маңғыстау облыстық ауруханасына оқ жарақатын алған үш ер адам түскен.

1990 жылғы жігіт орта деңгейдегі ауыр жарақат алып, нейрохирургия бөлімінде жатыр.

Екінші 1994 жылғы жігіт те орта деңгейдегі ауыр жарақат алып, травматология бөліміне жатқызылды.

Үшінші жігітке (1994 жылғы) ота жасалды, көкбауыры алынып тасталған. Қазір жансақтау бөлімінде жатыр,