Моншада ұсталған Жемқорлыққа қарсы агенттіктің қызметкерлеріне қатысты тергеу басталды

Антикоррупция қызметі төтенше жағдай режимі кезінде ведомствоның моншада жүрген қызметкерлеріне қатысты қызметтік тергеуді бастады, - деп хабарлайды Tengrinews.kz тілшісі.

"Департамент қызметкерлеріне қатысты қызметтік тергеу басталды, тергеу қорытындысы бойынша қажетті шара қолданылады", - деді ведомство өкілдері.

Еске салайық, мұның алдында Көкшетауда моншада жүрген Сыбайлас жемқорлыққа қарсы іс-қимыл агенттігінің екі қызметкерінің ұсталғаны хабарланған болатын. 

Ақмола облысының полиция өкілдері 18 сәуірде сағат 22.30 шамасында Криминалдық полиция басқармасының қызметкерлері рейд кезінде Көкшетаудағы "Избушка" монша кешенінің иесі төтенше жағдай режимін бұзғаны анықталғанын хабарлады. Белгіленген шектеулерге қарамастан сағат кешкі 21.00-ден кейін моншада төрт адам болған.

Қазақстан жаңалықтары. Соңғы жаңалықтар. Telegram желісінде бізге жазыл!