+7 (777) 001 44 99
Қазақша
Русский
English
22 қараша 2021 | 13:28
Нұр-Сұлтанда 23 жастағы есірткі сатушы ұсталды
Елордада есірткі сатумен айналысатын төрт жасырын интернет-дүкен жойылды, - деп хабарлайды Tengrinews.kz тілшісі Polisia.kz сілтеме жасап.
ПОДЕЛИТЬСЯ
Елордада есірткі сатумен айналысатын төрт жасырын интернет-дүкен жойылды, - деп хабарлайды Tengrinews.kz тілшісі Polisia.kz сілтеме жасап.
23 жастағы есірткі сатушы Жангелдин және Желтоқсан көшелерінің қиылысында ұсталды. Ол Telegram мессенджерінде төрт жасырын интернет-дүкеннің әкімшісі болған және қала аумағында синтетикалық есірткіні өзі сатқан.
"Күдікті елорда аумағында синтетикалық есірткілерді жеткізумен және өткізумен айналысатын және "Рефлекс" арнайы операциясы аясында ұсталған адамдар тобының әлеуметтік желілердегі байланыстары мен аккаунттарын зерделеу кезінде полицияның назарына ілікті.
Ұсталған кезде одан 5 банк картасы, үш ұялы телефон тәркіленді. Тінту барысында аталған телефондарға клиенттерден есірткі сатуға тапсырыстар түсіп жатты.
Ұсталған азаматтың пәтерінде сейфте сатуға дайындалып қойған мефедрон салынған 64 түйір бума, 28 МДМА таблеткасы, сондай-ақ үш электрондық таразы, буып-түю материалы, 10 млн теңге және 23 мың АҚШ доллары сомасындағы ақша табылды", - делінген хабарламада.
Сонымен қатар, бір мезгілде Кравцов көшесінде есірткі өткізушімен байланысы бар 24 жастағы бойжеткен ұсталды. Оның жалдамалы пәтерінен өткізу үшін дайындалған мефедронның 36 түйіні және есірткіні өлшеп-орауға арналған құрылғылар тәркіленді. Сембинов көшесіндегі үйдің ауласынан есірткі жасырылған 5 орын жойылды.
"Елордалық есірткі полицейлерінің жедел жұмысының нәтижесінде қала аумағында есірткі сататын төрт интернет-дүкен қызметінің жолы кесіліп, жойылды, синтетикалық психобелсенді зат - мефедронның 200-ге жуық бір реттік дозасы тәркіленді.
Аталған факт бойынша ҚР ҚК-нің 297-бабының 3-бөлімі (Есірткі заттарды өткізу мақсатында заңсыз дайындау, сатып алу, сақтау немесе алдын ала сөз байласу бойынша адамдар тобының өткізуі) бойынша қылмыстық іс қозғалды.
Ол мүлкін тәркілеумен 10 жылдан 25 жылға дейін бас бостандығынан айыру түріндегі қылмыстық жауапкершілікті көздейді. Ұсталғандарға есірткі интернет-дүкендерін әкімшілендіру бойынша құқықтық баға сотқа дейінгі іс жүргізу барысында берілетін болады", - деп қосты ПД.
ІІМ Есірткі қылмысына қарсы іс-қимыл департаменті бастығының орынбасары Асқар Мұхаметқалиев түсіндіргеніндей, бүгінде полицияның негізгі күш-жігері синтетикалық есірткі саудасын ұйымдастырушылар мен ірі сатушыларды бейтараптандыруға және жауапқа тарту бағытталған.
Еске салайық, 2019 жылы Мемлекет басшысының тапсырмаларын орындауда ел заңнамасына электрондық коммуникациялық жүйелерді пайдалана отырып жасалған есірткі қылмысы үшін қылмыстық жауапкершілік енгізілген болатын.
Бұл қылмыстар бас бостандығынан айырудың ұзақ мерзімдері белгілене отырып, ауыр және аса ауыр қылмыстар санаттарына жатқызылған. Жыл басынан есірткі қылмысына қарсы іс-қимыл бөлімшелері қызметкерлерімен есірткі жарнамалайтын және сататын 915 сайт бұғатталды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
