+7 (777) 001 44 99
Қазақша
Русский
English
01 тамыз 2022 | 12:30
Нұр-Сұлтанда ерлі-зайыпты Telegram арқылы синтетикалық есірткі таратқан
Елордалық полицейлер Нұр-Сұлтан аумағында аса ірі көлемде есірткі сататын Telegram желісіндегі интернет-дүкен жұмысын тоқтатты, - деп хабарлайды Tengrinews.kz тілшісі.
ПОДЕЛИТЬСЯ
Елордалық полицейлер Нұр-Сұлтан аумағында аса ірі көлемде есірткі сататын Telegram желісіндегі интернет-дүкен жұмысын тоқтатты, - деп хабарлайды Tengrinews.kz тілшісі.
Тәртіп сақшылары мәліметінше, есірткі сататын сайттардың бірінің әкімшісінің жеке басы анықталғаннан кейін ол бақылауға алынған.
"Ұстау бірден екі мекенжай бойынша жүргізілді. Дүкен иесі синтетикалық есірткіні жасырып жатқан жерінде қылмыс үстінде ұсталды", - деді ІІМ баспасөз хатшысы Ақтоты Боранова брифингте.
Ұсталған кезде көліктен сатуға дайын 60 бума мефедрон табылғаны атап өтілді.
"Есірткі көліктің еденінде жатқан сыра банкасына жасырылған. Осы уақытта пәтерде есірткі сатушының бірге тұратын әйелі ұсталды, ол есірткіні таратуға қатысқан. Тұрғылықты жері бойынша тінту кезінде 157 оралған мефедрон дозасы, есірткі салынған пластик науалар, сондай-ақ каннабис шайыры бар 886 желатинді капсулалар тәркіленген", - деп толықтырды ІІМ өкілдері.
Айғақты затқа оқиға орнында табылған электрон таразылар, орауыш ыдыстар, өлшеуіш қасықтар тіркелгені хабарланды. Бір мезгілде ұстау нәтижесінде ерлі-зайыптылардан 3 келіден аса синтетикалық мефедрон есірткісі және 260 грамм каннабис шайыры тәркіленген.
Дерек бойынша Қылмыстық кодекстің 297-бабы 3-бөлігі "Электрондық ақпараттық ресурстарды пайдалану арқылы аса ірі мөлшерде есірткі құралдарын, психотроптық заттарды заңсыз өткізу" бойынша қылмыстық іс қозғалды. 15 жылға дейін бас бостандығынан айыру жазасы қарастырылған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
