+7 (777) 001 44 99
Қазақша
Русский
English
17 қыркүйек 2021 | 11:33
Нұр-Сұлтанда медицина қызметкерлері вакцинация паспортын құпиясөз арқылы сатқан
Нұр-Сұлтанда жалған вакцинация паспортын жасаған үш күдікті ұсталды, - деп хабарлайды Tengrinews.kz тілшісі қалалық Полиция департаменті баспасөз қызметіне сілтеме жасап.
ПОДЕЛИТЬСЯ
Нұр-Сұлтанда жалған вакцинация паспортын жасаған үш күдікті ұсталды, - деп хабарлайды Tengrinews.kz тілшісі қалалық Полиция департаменті баспасөз қызметіне сілтеме жасап.
38 және 40 жастағы екі медицина қызметкері, сондай-ақ күдіктілердің бірінің 44 жастағы жұбайы қамауға алынған. Полиция мәліметінше, соңғы үш айдың ішінде медицина қызметкерлері вакцинация паспорттарын іс жүзінде екпе алмаған адамдарға ақшалай өтемақыға жасап берген. Төлқұжат алғысы келетіндерді медицина қызметкерлері тек достарының ұсынысы бойынша және алдын ала төлем алғаннан кейін қабылдаған.
"Бұл схемада күдіктілердің бірінің 44 жастағы жұбайы клиенттерді тауып, кеңес беріп, қызметтер үшін ақы алып отырған. Тұрғындар медициналық мекемеге хабарласқан кезде жалған вакцинация паспортын алғысы келетінін білдіру үшін құпиясөзді айтқан", - деді полиция департаменті өкілі.
Соталды тергеу Қылмыстық кодекстің 385-бабы "Жалған құжаттарды жасау, жасау немесе өткізу" бойынша жүргізіліп жатыр. Бұл баптың санкциясы төрт жылға дейін бас бостандығынан айыруды қарастырады.
"Тінту кезінде медициналық құжаттар мен ұялы телефондар тәркіленді. Тергеу аясында қажетті сараптамалар тағайындалды. Медициналық қызметкерлер кінәсін мойындады. Жалған екпе төлқұжаттарын алу үшін оларға жүгінгендердің саны анықталып жатыр", - деп толықтырды құқық қорғау органдарының қызметкерлері.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
