+7 (777) 001 44 99
Қазақша
Русский
English
03 шілде 2023 | 17:20
"ӨКМ Операторы" басшылары және бұрынғы экология вице-министріне қатысты сот үкімі шықты
Астанада "ӨКМ Операторы" ЖШС басшылары мен экология вице-министрі Ахметжан Пірімқұловқа қатысты үкім жарияланды, - деп хабарлайды Tengrinews.kz тілшісі Астананың қылмыстық істер жөніндегі ауданаралық сотына сілтеме жасап.
ПОДЕЛИТЬСЯ
Астанада "ӨКМ Операторы" ЖШС басшылары мен экология вице-министрі Ахметжан Пірімқұловқа қатысты үкім жарияланды, - деп хабарлайды Tengrinews.kz тілшісі Астананың қылмыстық істер жөніндегі ауданаралық сотына сілтеме жасап.
Сот ӨКМ-нің үш басшысы 2016 жылдан бастап кезегімен экология вице-министрінің араласуымен аса ірі көлемде бюджет қаражатын бірнеше рет жымқырғанын анықтады.
Бұл ұрлық еншілес компанияның ескірген көліктерді жоғарылатылған құн бойынша кәдеге жарату қызметі үшін негізсіз төлем жасау арқылы жасалған. Келтірілген шығынның жалпы сомасы 26,8 миллиард теңге болады.
Сонымен қатар, сот мәліметінше, экология вице-министрі өз өкілетін асыра пайдаланып, кабель-өткізгіш өнімдерін өндірушілер мен импорттаушылардың кеңейтілген міндеттемелерін енгізетін заңсыз бұйрыққа қол қойған. Нәтижесінде 325 миллион теңгеден аса шығын түрінде ауыр зардаптар туындады, делінген хабарламада.
Осы кезеңде "ӨКМ Операторы" ЖШС басшылары бұрынғы вице-министрдің көмегімен ЖШС шотындағы 180 миллиард теңгені ұрламақ болған. Сотталғандар Қазақстан аумағында алты қоқыс жағатын зауыт салу кезінде ұрлық жасауды жоспарлаған.
Құрылысты қаржыландыруды сотталғандар 2022 жылға арналған Инвестициялық саясатты жүзеге асыруға негізсіз қосқан.
Сондай-ақ, жетекші К. және құрылтайшысы М. (Шнар Муктарова іздеуде. - еск.) ЖШС коммерциялық ұйымдағы басқару функцияларын пайдалана отырып, өкілетін теріс пайдалана отырып, дивидендтер алу жолымен 920 миллион теңге көлемінде бюджет қаражатын жымқырған.
"Сотталғандардың кінәсі жәбірленушілердің айғақтары, куәгерлер, сот сараптамаларының қорытындылары, мамандармен және келтірілген залалдың мөлшері 28,2 миллиард теңге болып белгіленген аудиторлық есептермен дәлелденді", - деп хабарлады сотта.
Светлана Коротенко сот үкімі бойынша, ҚК-нің 189-бабы 4-бөлігі 2), 250-бабы 1-тармағы, 24-бап 3-тармағы, 28-бап 3-тармағы, 189-бап 4-бөлігі 2) тармағында көзделген қылмыстық құқық бұзушылықтар жасағаны үшін кінәлі деп танылып, 10 жылға коммерциялық ұйымдарда басшылық лауазымдарды атқару құқығынан айыра отырып, 7 жылға бас бостандығынан айырылды.
Медет Құмарғалиев ҚК-нің 189-бабы 4-бөлігі 2-тармағы), 24-бабы 3-бөлігі бойынша көзделген қылмыстық құқық бұзушылықтарды жасағаны үшін кінәлі деп танылып, оған 10 жыл мерзімге коммерциялық ұйымдарда басшылық қызмет атқару құқығынан айыра отырып, 7 жылға бас бостандығынан айыру жазасы тағайындалған.
Сондай-ақ, Ахметжан Пірімқұлов Қылмыстық кодекстің 28-бабы 5-бөлігі, 189-бабы 4-бөлігі 2-тармағы), 24-бабы 3-бөлігі, 28-бабы 5-бөлігі, 189-бабы 4-бөлігі 2-тармағы), 361-бабы 4-бөлігі 3-тармағында көзделген қылмыстық құқық бұзушылықтарды жасағаны үшін кінәлі деп танылып, мемлекеттік қызметте және квазимемлекеттік секторда лауазымдарды атқару құқығынан өмір бойына айыра отырып, 7 жылға бас бостандығынан айыру жазасына кесілді.
Қаржы директоры Рустам Темірбек Қылмыстық кодекстің 250-бабы 1-бөлігі бойынша кінәлі деп танылып, екі жылға бас бостандығынан айырылды. "Қазақстан Тәуелсіздігінің отыз жылдығына байланысты рақымшылық жасау туралы" заңның 3-бабы 1) тармағының негізінде оның жаза мерзімі екі есеге қысқартылып, түпкілікті бір жыл бас бостандығынан айыру жазасы тағайындалған, коммерциялық ұйымдарда 5 жыл мерзімге басшылық лауазымдар атқару құқығынан айрылған.
Қазақстан Президентіне сотталғандарды мемлекеттік наградаларынан айыру туралы ұсыныс ұсынылады.
Ж-ның пайдасына 28,2 миллиард теңге азаматтық талап қанағаттандырылды. Сондай-ақ, сотталғандардың қылмыстық жолмен алынған жылжымалы және жылжымайтын мүліктері мемлекет кірісіне тәркіленген.
Үкім заңды күшіне енген жоқ.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
