"ӨКМ операторы" ісі бойынша басты сот отырысы басталды

Астанада "ӨКМ операторы" ЖШС ісі бойынша басты сот отырысы басталды, - деп хабарлайды Tengrinews.kz тілшісі.

Сот отырысы Астанадағы Байқоңыр ауданының №2 сотында өтіп жатыр. Судья - Кемеңгер Имашев.

Сот мәліметінше, айыпталушылар сот отырысына Zoom арқылы қатысады.

"Ауа райына байланысты сот онлайн режимде өтеді", - деді судья Имашев.

Айта кетейік, айып тағылғандар қатарында Экология, геология және табиғи ресурстар министрлігінің бұрынғы вице-министрі Ахметжан Пірімқұлов, "ӨКМ Операторы" ЖШС-нің бұрынғы басқарма төрағасы Медет Құмарғалиев, бұрынғы қаржы директоры Рустам Темірбек және "ӨКМ Операторының" экс-бас директоры, Украина азаматы Светлана Коротенко бар. Олар "ӨКМ Операторы" ЖШС-де миллиардтаған ұрлық жасады деп айыпталып отыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!