ОҚО-да қарақшы үйге кіріп балаларды байлап тастаған

Оңтүстік Қазақстан облысының Ордабасы ауданында қарақшы үйге кіріп балаларды байлап тастаған, - деп хабарлайды Tengrinews.kz тілшісі ОҚО ІІД баспасөз қызметіне сілтеме жасап.

2018 жылы 7 ақпанда Ордабасы АІІБ кезекші бөліміне 48 жастағы ер адам хабарласып, үйіне белгісіз біреу баса көктеп кіріп, қарақшылық жасағаны туралы хабарлаған.

"Оқиға орнына келген полицейлер үйге белгісіз біреу кіріп, 6 және 12 жастағы балаларды байлап, алтын бұйымдарды алып, оқиға орнынан кетіп қалғанын анықтады. Келтірілген залал мөлшері - жарты миллион теңге", - деді полицейлер.

Жедел тергеу шаралары барысында полицейлер күдіктіні ұстады. Ол 20-25 жас аралығындағы жергілікті тұрғын екені анықталды.

Қазіргі уақытта сотқа дейінгі тергеу шаралары жүріп жатыр. Бірнеше сараптама тағайындалды.

қарақшылық Тонау соңғы жаңалықтар Оңтүстік Қазақстан облысы

Редакция сұрағы

Бұл туралы не ойлайсыз?

Жолдау

Пікірлер редакция тарапынан модерациядан өтеді

Пікірлерді оқу