Орал ПБ бастығының орынбасары ұсталды

Жедел іс-шаралар өткізу барысында Батыс Қазақстан облысы полиция департаментінің Орал қалалық полиция басқармасы бастығының орынбасары пара алып жатқан жерінен ұсталды, - деп хабарлайды Tengrinews.kz тілшісі Polisia.kz сайтына сілтеме жасап. 

Қазіргі уақытта аталған дерек бойынша ҚР ҚК 366-бабына ("Пара алу") сәйкес соталды тергеу жүріп жатыр. Күдікті УҰИ-ға қамауға алынды.

"ІІМ полицейлердің лауазымы мен атағына қарамастан, парақорлық пен азаматтардың құқықтарын бұзу деректерін одан әрі қатаң түрде тоқтата береді. Олардың кесірінен Қазақстан халқына адал қызмет етіп жүрген полицейлерге көлеңке түседі. Қатарымызды тазалау жалғасады", - деді ІІМ өкілі Арман Саданов.

Сілтемесіз жаңалық оқисыз ба? Онда Telegram желісінде парақшамызға тіркеліңіз!