Павлодар облысында саунада төбелескен шенеунік жазаға тартылды

Павлодар облысы Павлодар ауданы әкімінің орынбасарына мас күйде төбелескені үшін 15 АЕК (34035 теңге) көлемінде айыппұл салынды, - деп хабарлайды Tengrinews.kz тілшісі облыстық соттың баспасөз қызметіне сілтеме жасап. 

2016 жылдың 16 желтоқсанында Ауылшарушылығы қызметкері күнін саунада тойлаған ол ер адамды боқтап, кеудесінен итеріп жіберген, сосын басынан бірнеше соққы жасаған. 

Оқиға салдарынан зардап шегушінің денсаулығына жеңіл зиян келгені хабарланып отыр. Бұл дерекке қатысты ҚР Әкімшілік құқық бұзушылық туралы кодексінің 73-бабының 1-тарауы "Денсаулыққа қасақана жеңіл зиян келтіру" бойынша іс қозғалған. 

Сонымен қатар, Павлодар ауданы әкімі орынбасарының мемлекеттік қызметкердің этикалық кодексін бұзғаны Павлодар облысы әкіміне хабарланған. 

Азаматтық істер бойынша сот алқасы үкімді өзгеріссіз қалдырды. Үкім заңды күшіне енді.