Павлодарда ер адам сатушыны пышақпен қорқытып, 25 iPhone ұрлаған

Павлодарда ер адам сатушыны қорқытып, 25 қымбат телефон ұрлаған, - деп хабарлайды Tengrinews.kz тілшісі.

Павлодарда 22 желтоқсанда сағат 10:30 шамасында Қамзин көшесіндегі сауда үйлерінің бірінде орналасқан ұялы байланыс салонында белгісіз ер адам сатушыны пышақпен қорқытып, қымбат 25 телефон және 305 мың теңгеден аса ақшалай қаражатты иемденген.

Залалдың жалпы сомасы - шамамен 12 миллион теңге.

Полиция бұл дерек бойынша Қазақстан Республикасының Қылмыстық кодекстің 192-бабы 4-бөлімі 2-тармағы бойынша соталды тергеп-тексеруді бастады. Осы қылмысқа қатысы бар адамдарды анықтау және ұстау бойынша іздестіру шаралары жүргізіліп жатыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!