Павлодарда көшедегі бақылау камерасына түсіп қалған педофил 21 жылға сотталды

Ардақ Құлтаев

Видео кадры

Павлодарда видеоба?ылау камерасына т?сіп ?ал?ан педофилге ?атысты ?кім шы?арылды, - деп хабарлайды Tengrinews.kz тілшісі Павлодар облысты? ?ылмысты? істер ж?ніндегі мамандандырыл?ан ауданаралы? сотына сілтеме жасап.

Павлодарда видеобақылау камерасына түсіп қалған педофилге қатысты үкім шығарылды, - деп хабарлайды Tengrinews.kz тілшісі Павлодар облыстық қылмыстық істер жөніндегі мамандандырылған ауданаралық сотына сілтеме жасап.

"Сот Павлодардың 53 жастағы тұрғынын айыпты деп таныды. Ол 14 жасқа толмаған жеткіншекке қатысты сексуалдық сипаттағы зорлық әрекеттер жасаған. Ол 21 жылға бас бостандығынан айырылды", - деп хабарлады соттың баспасөз қызметіндегілер. Ол жазасын ерекше тәртіптегі колонияда өтейді.

Еске салаыйқ, павлодарлық биыл маусым айында педофилиямен айналысты деген күдікпен ұсталған болатын. Ер адамның баланы үйдің кіреберісіне күштеп кіргізіп жатқаны видеобақылау камерасына түсіп қалған болатын. Кадрларда баланың айғайлап, зорлықшыдан қашпақ болғаны бейнеленген.

Ал осыған дейін полицейлердің видеобақылау камерасындағы жазбаларды алып, скриншоттар арқылы күдіктінің бағыттамасын жасағаны хабарланған еді. Ер адам қалалық зираттың маңында ұсталған. Кейін оның жерлеу қызметі бюросында жұмыс істегені анықталды.

Павлодарлық баланы тұрғын үйдің кіреберісіне сүйреп кіргізгені, кейін шешініп тастап, балаға зорлық әрекеттерін жасағаны белгілі болды. Бұған дейін де ер адам түрлі қылмыс бойынша сотты болған.