Павлодарда зейнеткер сауда орталығынан телефон ұрлап кеткен

Павлодарда зейнеткер сауда орталығынан телефон ұрлап кеткен, - деп хабарлайды Polisia.kz. 

Жақында Павлодардағы Катаев көшесінде орналасқан сауда орталығының сатушысы полицияға жүгінген. Оның айтуынша, белгісіз біреу сөреден құны 404 мың теңге болатын ұялы телефон ұрлап кеткен. Полиция қызметкерлері оқиға болған күні ұрлық жасады деген күдікпен 66 жастағы ер адамды ұстаған. Осылайша, ұрланған телефон тәркіленген.

Айта кетейік, биыл жыл басынан бері Павлодар облысында 80-нен аса ұялы телефон ұрлығы тіркелген. Полицейлер көктем мен жазда ұялы телефон ұрлығының саны күрт артатынын айтады. 

Сілтемесіз жаңалық оқисыз ба? Онда Telegram желісінде парақшамызға тіркеліңіз!