+7 (777) 001 44 99
Қазақша
Русский
English
11 мамыр 2023 | 13:55
Петропавлда 172 миллион теңгенің жері мемлекетке қайтарылды
Петропавлда 172 миллион теңгенің жері мемлекетке қайтарылды, - деп хабарлайды Tengrinews.kz тілшісі Солтүстік Қазақстан облысының прокуратурасына сілтеме жасап.
ПОДЕЛИТЬСЯ
Петропавлда 172 миллион теңгенің жері мемлекетке қайтарылды, - деп хабарлайды Tengrinews.kz тілшісі Солтүстік Қазақстан облысының прокуратурасына сілтеме жасап.
Жергілікті атқарушы органдардың қызметінде жер заңнамасының сақталуына тексеру шеңберінде Петропавл қаласының прокуратурасы өрескел бұзушылықтарды анықтады. Аукционнан тыс берілген жалпы құны 172 миллион теңге болатын 6,8 га жер учаскесі мемлекетке қайтарылды.
Солтүстік Қазақстан облысының прокуратурасының мәліметінше, бұл жер учаскесі құрылыс салушылардың біріне әкімдіктің 2021 жылғы маусымдағы қаулысымен көп қабатты тұрғын үйлер салу үшін конкурстан тыс инвестициялық және инновациялық жобаларды іске асыру үшін уақытша өтеулі жер пайдалану құқығымен берілген.
"Алайда мемлекеттік меншіктен жер учаскелерін беру үшін инвестициялық жобаны айқындау ережелері тек 2022 жылдың қаңтарынан бастап (яғни, жер учаскесі берілгеннен кейін 6 айдан кейін) қолданысқа енгізілді. Инвестициялық жоба мүлдем болған жоқ", - делінген Солтүстік Қазақстан облысының прокуратурасы таратқан хабарламада.
Бұдан бөлек, қаланың 69 жер пайдаланушысы тарапынан жер учаскелерін сатып алу-сату шарттары бойынша сомаларды төлеу бойынша шарттық және салық міндеттемелерін орындамау фактілері бойынша мемлекет бюджетіне 119 миллион теңге өндірілді.
Облыстың Әдеп жөніндегі кеңесі мемлекеттік қызметке кір келтіретін теріс қылықтар жасағаны үшін жауапты лауазымды адам "қызметке толық сәйкес еместігі туралы ескерту" түрінде тәртіптік жауапкершілікке тартылды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
