Полиция мен ҰҚК ОҚО-да 8 адамды ұстады

"10 мамыр күні жедел-іздестіру іс-шараларын жүргізу барысында ОҚО ІІД және ОҚО бойынша ҰҚКД қызметкерлерімен бірлесе отырып, бірқатар облыс аудандарында экстремистік идеология туралы аудио және бейнежазбаларды таратқаны үшін 8 азамат ұсталды. ОҚО ІІД-де ҚР ҚК-нің "әлеуметтік, ұлттық, рулық, нәсілдік, тектік-топтық немесе діни алауыздықты қоздыру" бабы бойынша сотқа дейінгі тергеу амалдары жүргізілуде", - делінген хабарламада.

Сонымен қатар, Департаменттің Тергеу басқармасы барлық қажетті тергеу іс-шаралары жүргізіп жатқаны айтылады. Күдіктілер қамауға алынды.